Breaking News
Home / अंतरराष्ट्रीय समाचार / नेपाल / उद्योग, वाणिज्य तथा आपूर्तिमन्त्री यादवसँग चिनीया प्रतिनिधिमण्डलको भेट
matrika yadav

उद्योग, वाणिज्य तथा आपूर्तिमन्त्री यादवसँग चिनीया प्रतिनिधिमण्डलको भेट

matrika yadavकाठमाडौं, २६ चैत । उद्योग, वाणिज्य तथा आपूर्तिमन्त्री मातृका प्रसाद यादवसँग नेपाल भ्रमणमा रहेको स्टेट एडमिनिष्ट्रेसन ट्रेड एन्ड कमर्सका उपमन्त्री गान लिन(Gan Lin) नेतृत्वको प्रतिनिधिमण्डलले भेट गरेको छ ।

सिंहदरबारस्थित मन्त्री यादवको सचिवालयमा आज भएको भेटवार्तामा मन्त्री यादव र प्रतिनिधिमण्डलबीच उपभोक्ता हित तथा अधिकारका विषयमा छलफल भयो । सो अवसरमा मन्त्री यादवले नेपाल राजनीतिक संक्रमण अन्त्य भइ आर्थिक समृद्धि र विकासमा मूर्तरुपमले अगाडि बढेको बताउनुभयो।

उहाँले चीनको आर्थिक विकासमा आफूलाई खुशी लागेको उल्लेख गर्दै नेपालको समृद्धिका लागि पनि सहयोग गर्न आग्रहसमेत गर्नुभयो । मन्त्री यादवले गत वर्ष नेपाल सरकारको आपूर्ति मन्त्रालय र चीनको स्टेट एड्मिनिष्ट्रेसन फर इन्डस्ट्री एन्ड कमर्सबीच भएको उपभोक्ता अधिकार संरक्षणका विषयमा भएको सम्झौतालाई कार्यान्वयनमा गर्ने विषयलाई जोड दिनुभयो ।

उपभोक्ता हितका विषयमा दुई देशबीचका कानुनका विषयका जानकारी आदान प्रदान गर्ने र बजारलाई स्वास्थ्य बनाई राख्न निरन्तर छलफल हुनुपर्ने मन्त्री यादवले बताउनुभयो ।

त्यसैगरी चिनीया उपमन्त्रीले चीन–नेपालबीच हजारौं वर्षको मित्रवत् सम्बन्धलाई विस्तार गर्दै जानुपर्नेमा जोड दिनुभयो । उहाँले दुई देशबीचको सहकार्यले एकअर्काको भाग्य निर्माण हुने भन्दै आफ्नो देशले नेपालसँगको सम्बन्धलाई विशेष जोड दिएको बताउनुभयो । उहाँले बजार नियमन र उपभोक्ताका विषयमा दुई देशबीच सहकार्य गरेर अगाडि बढ्ने र त्यस क्षेत्रमा नेपाललाई सहयोग गर्ने विश्वास दिलाउनुभयो ।

About Abhinav Chaudhary

Check Also

IYC2018

International Youth Conclave 2018 kicked off at Kathmandu

Kathmandu. Setubandh, Teenage society Nepal, South Asia Partnership and KMC network jointly organized International Youth Conclave ...

Leave a Reply

Your email address will not be published. Required fields are marked *